Parmaetur
Parma - Comun de l’Emilia-Romagna (260,8 km2 con 178.718 abitanti into 2008, diti Parmexen e meno comunemente Parmensci), capolœugo de provincia.
A çittæ, tagiâ da E a O da-a Via Emilia e da S a N da-o torrente Parma, a spæga inta cianûa uniforme. A parte d'a çittæ posta a-a drita d'o torrente a l'è dita Parma Nœuva, quella a-a scinistra Parma Vegia (o Otratorrente). L’espanscion avegnua a partî da-a Segonda guæra mondiâ a l'ha visto spægâ di nœuvi quartê inte l’Otratorrente, int'e direçioin settentrionâ e sud-orientâ, longo a Via Emilia e longo a statale d'a Cisa.
A popolaçion comunâ a l'ha subîo ne-i anni 1980 un netto decremento, in corrispondensa de 'n decentramento demografico e de 'n progrescivo incremento de funçioin terçiaie inti centri menoî d'o teritöio comunâ. Dòppo 'n periodo de stagnaçion demografica inti anni 1990, s'è manifestao reçentemente un lento repiggio, dovûo in màscima parte a l’aomento d'i flûsci d’immigraçion.
L’economia de Parma a l'è tradiçionalmente agricola: e campagne in gîo a-a çittæ prodûan cereali, ortaggi, giærave da sùccao, vigna, e gran parte d'e indûstrie che g'han sede (conservifiçi de tomate e frûta, mâxina di cereali, pastifiççi, indûstria caseaia, produçion de fertilizzanti, casatuifiççi, laoaçion d'i alcol e d'o papê) s'en sviluppæ in streita connescion con l’agricoltua e l’allevamento. De produçioin specializzæ son, in particolâ, quelle do xanbón de Parma e do formaggio parmexàn (che a Zena ghe dimmo "piaxentìn").
