Kbckdyq

Eisemplo dua obra d'angenharie na Scócia, Reino Ounido: l Falkirk Whel, para trasposiçon de barcos.

Angenharie (<latin angeniu = "faculdade ambentiba, angenho") ye la arte, la ciéncia i la técnica de bien cunjugar ls coincimientos specializados (científicos) dua dada ária de l saber cula sue biablidade técnico-eiconómica, para porduzir nuobas outelidades i/ó trasformar la natureza, cunsante eideias bien planeadas i an obserbáncia als amperatibos de perserbaçon ambiental i de cunserbaçon ambiental, na scala que se fazir neçaira.

Generalidades[eiditar | eiditar código-fuonte]

Yá se dixo que "Angenharie ye tan-solamente aplicaçon de la física aliada al bun-senso" [LUZ, António Mássimo Rigueiro de la, Porsor Emérito de la UFMG (Belo Hourizonte, MG, Brasil]. Cun ls mais recentes abanços de la ciéncia i de la tecnologie, puode-se aperfeiçoar-lo: Angenharie ye aplicaçon prática d'algun coincimiento specializado ajuntado al bun-senso.

Merece ua nota l fato de tradecionalmente las angenharies tenéren lhidado suolo cun oubjetos cuncretos, palpables. Modernamente, esso demudou i dou lhugar al trato tamien d'antidades ó oubjetos abstratos, nun-palpables. Son, por eisemplo, las angenharies de custos, anformática, de software, antre outras. De cierto modo, nun rigorosa, puode-se ancluir nesso nuobas angenharies, tamien las angenharies de l'ambiente i genética, culas reserbas que eilhas ténen. To la angenharie, inda assi, ambolbe cierto grau d'abstraçon.

Cun las angenharies, coincimientos científicos i técnicos i la speriéncia prática son aplicados para sploraçon de ls recursos naturales, pa l porjeto, custruçon i ouperaçon d'oubjetos úteles i pa l planeamiento ourbano i ambiental, antre outras aplicaçones.

Atualmente, la eisigéncia de seluçones mais percisas para muitos porblemas abrangidos pula angenharie piede l'aplicaçon de modelos físicos i de modelos matemáticos, ancluindo l tratamiento de porcessos de resoluçon cumpoustos por sistemas de eiquaçones defrenciales, que dan sistemas de eiquaçones algébricas, apuis tratamiento por métodos numéricos apropiados, cumo l método de ls eilemientos fenitos i l método de las difréncias fenitas. Esses métodos son cumpuostos por un fuorte arcabouço matemático i un cunjunto de técnicas, para oubtener seluçones al mesmo tiempo, normalmete juntas, para grande númaro de bariables i graus de lhibardade daqueilhes porblemas. Tal abordaige ye la cumputacional, oubjeto de trabalho, pesquisa i zambolbimiento de la modelaige cumputacional.

Árias de l'angenharie[eiditar | eiditar código-fuonte]

Bárias son las specialidades/ramos d'angenharie. Cun l porgresso de las ciéncias i de las tecnologies, mais i mais specialidades stan a aparecer. A seguir ben ua lhista nun-eisaustiba de las specialidades atuales d'angenharie:

1. Angenharie acústica;
2. Angenharie aeroespacial;
3. Angenharie aeronáutica;
4. Angenharie aerobiária;
5. Angenharie agrícola;
6. Angenharie d'agrimensura;
7. Angenharie agronómica;
8. Angenharie d'alimentos;
9. Angenharie ambiental;
10. Angenharie d'aquicultura;
11. Angenharie de áudio;
12. Angenharie altemoble;
13. Angenharie de base;
14. Bioengenharie;
15. Angenharie natural;
16. Angenharie biológica;
17. Angenharie de bioporcessos i biotecnologie;
18. Angenharie biomédica;
19. Angenharie biónica;
20. Angenharie bioquímica;
21. Angenharie canónica;
22. Angenharie cartográfica;
23. Angenharie cebil;
24. Angenharie de cumputaçon;
25. Angenharie de quemunicaçones;
26. Angenharie de cuntrole i outomaçon;
27. Angenharie de custos;
28. Angenharie eiconómica;
29. Angenharie eilétrica;
30. Angenharie eilétrica i eiletrónica;
31. Angenharie eiletromecánica;
32. Angenharie eiletrónica;
33. Angenharie an Sistemas Degitales;
34. Angenharie d'einergie;
35. Angenharie de stradas;
36. Angenharie strutural;
37. Angenharie de sploraçon;
38. Angenharie ferrobiária;
39. Angenharie física;
40. Angenharie florestal;
41. Angenharie genética;
42. Angenharie geofísica;
43. Angenharie geográfica;
44. Angenharie de geston;
45. Angenharie geológica;
46. Angenharie d'hardware;
47. Angenharie hidráulica (ó hídrica);
48. Angenharie houmana;
49. Angenharie d'anformaçon;
50. Angenharie andustrial;
51. Angenharie andustrial madeireira;
52. Angenharie d'anfra-strutura;
53. Angenharie anformática;
54. Angenharie d'anstrumentaçon;
55. Angenharie de manutençon;
56. Angenharie de materiales;
57. Angenharie de materiales i metales;
58. Angenharie mecánica;
59. Angenharie mecatrónica;
60. Angenharie metalomecánica;
61. Angenharie metalúrgica;
62. Angenharie melitar;
63. Angenharie de minas;
64. Angenharie multimédia;
65. Angenharie nabal i ouceánica;
66. Angenharie nuclear;
67. Angenharie ótica (ó ótica);
68. Angenharie de pesca;
69. Angenharie de petrólio;
70. Angenharie petroquímica;
71. Angenharie de plásticos;
72. Angenharie de porduçon;
73. Angenharie de porduçon agroandustrial;
74. Angenharie de porduçon cebil;
75. Angenharie de porduçon mecánica;
76. Angenharie de porduçon química;
77. Angenharie de la culidade;
78. Angenharie química;
79. Angenharie de recursos hídricos;
80. Angenharie de redes de quemunicaçon;
81. Angenharie de requisitos;
82. Angenharie robótica;
83. Angenharie rudubiária;
84. Angenharie sanitária;
85. Angenharie sanitária i ambiental;
86. Angenharie de sigurança;
87. Angenharie de sigurança de l trabalho;
88. Angenharie de serbícios;
89. Angenharie de sistemas;
90. Angenharie de software;
91. Angenharie de tecidos;
92. Angenharie de telequemunicaçones;
93. Angenharie de teleanformática;
94. Angenharie de telemática;
95. Angenharie téxtil;
96. Angenharie de trasportes.
97. Angenharie de l'antretenimento;
98. Angenharie d'ambalaiges;