ବୋସରାPOLoadtدی0.3edicReیکیn_m ایهس
Multi tool use
| ବୋସରା بصرى بصرى الشام | |
|---|---|
| ସହର | |
| ବୋସରା-ଅଲ-ସାମ | |
 ବୋସରାର କେନ୍ଦ୍ର ସ୍ଥଳୀ | |
  ବୋସରା | |
| ଅବସ୍ଥିତି: 32°31′N 36°29′E / 32.517°N 36.483°ECoordinates: 32°31′N 36°29′E / 32.517°N 36.483°E | |
| ଦେଶ |  ସିରିଆ |
| ରାଜ୍ୟ | ଦରା |
| ଜିଲ୍ଲା | ଦରା |
| ଉପଜିଲ୍ଲା | ବୋସରା |
| ଜନସଂଖ୍ୟା (2004) | |
| • ମୋଟ | ୧୯,୬୮୩ |
| Area code(s) | 15 |
| ପ୍ରାଚୀନ ସହର ବୋସରା* | |
|---|---|
| ଇଉନେସ୍କୋ ସ୍ଥଳୀ | |
| |
| ରାଜ୍ୟ ଦଳ | Syria |
| ପ୍ରକାର | Cultural |
| ନିୟମ | i, iii, iv |
| ଆଧାର | 22 |
| ଅଞ୍ଚଳ** | Arab States |
| ଲେଖ ଇତିହାସ | |
| ଲେଖ | 1980 (4th ଭାଗ) |
| * ବିଶ୍ଵ ଐତିହ୍ୟ ସ୍ଥଳୀରେ ଥିବା ନାଆଁ ** ଇଉନେସ୍କୋ ଦେଇ ବିଭାଗିତ ନାଆଁ | |
ବୋସରା (ପୁରା ନାମ ବୁସରା-ଅଲ୍-ସାମ) ଦକ୍ଷିଣ ସିରିଆରେ ଥିବା ଏକ ସହର । ଏହା ଦରା ଜିଲ୍ଲାରେ ଅବସ୍ଥିତ ଓ ଭୌଗଳିକ ଦୃଷ୍ଟିରୁ ହୌରନ ଅଞ୍ଚଳର ଏକ ଅଂଶ ଅଟେ ।
ସିରିଆର କେନ୍ଦ୍ରୀୟ ପରିସଂଖ୍ୟାନ ବ୍ୟୁରୋ ଅନୁଯାୟୀ ୨୦୦୪ ସୁଧା ବୋସରାର ଜନସଂଖ୍ୟା ୧୯,୬୮୩ ଥିଲା । [୧] ଏହି ସହରର ଅଧିବାସୀ ମାନେ ମୁଖ୍ୟତ ସୁନ୍ନି ମୁସଲମାନ ସମ୍ପ୍ରଦାୟର, ଯଦିଓ କିଛି ପରିମାଣରେ ସିହା ସମ୍ପ୍ରଦାୟର ଲୋକ ମଧ୍ୟ ବାସ କରନ୍ତି ।[୨]
ବୋସରା ଏକ ପ୍ରାଚୀନ ସହର ଓ ରୋମାନ ସମୟରେ ଏହା ଏକ ସମୃଦ୍ଧ ପ୍ରାନ୍ତୀୟ ସହର ଥିଲା ଏବଂ ଆଣ୍ଟିଓକର ଗ୍ରୀକ ଗୀର୍ଜା ଅଧିନରେ ଥିଲା । ଇସଲାମୀୟ ସମୟରେ ମଧ୍ୟ ଏହାଶାସନ ଦୃଷ୍ଟିରୁ ମହତ୍ତ୍ୱପୂର୍ଣ୍ଣ ରହିଥିଲା ମାତ୍ର ଅଟୋମାନ କାଳରେ ଏହାର ଗୁରୁତ୍ତ୍ୱ ହ୍ରାସ ପାଇଲା । ବର୍ତ୍ତମାନ ଏହା ଏକ ପ୍ରଧାନ ପ୍ରତ୍ନତାତ୍ତ୍ୱିକ ସ୍ଥାନ ଓ ୟୁନୋସ୍କୋଦ୍ୱାରା ଏକ ବିଶ୍ୱ ଐତିହ ସ୍ଥଳ ଭାବେ ଘୋଷିତ ହୋଇଅଛି ।
ବିଷୟସୂଚୀ
- ୧ ଇତିହାସ
- ୧.୧ ରୋମୀୟ ଓ ପୂର୍ବ ରୋମୀୟ ସମୟ
- ୧.୨ ଇସଲାମୀୟ ସମୟ
- ୧.୩ ଅଟୋମାନ ସମୟ
- ୧.୪ ଆଧୁନିକ ସମୟ
- ୨ ଛବି
- ୩ ଆଧାର
- ୪ ପୁସ୍ତକ ସୂଚୀ
- ୫ ଅଧିକ ତଥ୍ୟ
- ୬ ବାହାର ଲିଙ୍କ
ଇତିହାସ[ସମ୍ପାଦନା]
ଥୁଟମୋସ ୩ୟ ଓ ଆଖେନାତେନ ଏହି ସ୍ଥାନ ସମ୍ପର୍କରେ ପ୍ରଥମେ ଉଲ୍ଲେଖ କରିଥିଲେ । ବୋସରା ଖ୍ରୀ.ପୂ. ୨ୟ ଶତାବ୍ଦୀର ପ୍ରଥମ ନବାତିଆନ ସହର ଥିଲା । ଏହାକୁ କର୍ଣ୍ଣେଲିଅସ ପାଲମା ଖ୍ରୀ.ଅ. ୧୦୬ ରେ ଦଖଲ କରିଥିଲେ ।
ରୋମୀୟ ଓ ପୂର୍ବ ରୋମୀୟ ସମୟ[ସମ୍ପାଦନା]
ରୋମୀୟ ସମୟରେ ବୋସରାର ନାମ ବଦଳି ନୋଭା ଟ୍ରାଜନା ବୋସ୍ତ୍ରା ହେଲା । ଏହାକୁ ରୋମୀୟ ସାମ୍ରାଜ୍ୟର ଆରବୀୟ ପ୍ରଦେଶର ରାଜଧାନୀ କରାଗଲା । ଏହି ନଗରୀ ଅନେକ ବାଣିଜ୍ୟ ପଥର ମିଳନ ସ୍ଥାନରେ ଥିବାରୁ କ୍ରମେ ବିକଶିତ ହୋଇ ଏକ ପ୍ରଧାନ ମହାନଗରୀରେ ପରିଣତ ହେଲା । ଏହା ଖାଦ୍ୟ ଉତ୍ପାଦନର ଏକ ପ୍ରମୁଖ ସ୍ଥାନ ହେଲା ତଥା ସମ୍ରାଟ ଆରବ ଫିଲିପଙ୍କ ସମୟରେ ଏହାର ସ୍ୱତନ୍ତ୍ର ମୁଦ୍ରା ତିଆରି ଆରମ୍ଭ ହୋଇଥିଲା । ଖ୍ରୀ. ଅ. ୨୪୬ ଓ ୨୪୭ରେ ଦୁଇଟି ଆରବୀୟ ସମ୍ମିଳନୀ ବୋସରାରେ ଅନୁଷ୍ଠିତ ହୋଇଥିଲା । [୩]
ଖ୍ରୀଷ୍ଟୀୟ ୫ମ ଶତାବ୍ଦୀ ପରେ, ଖ୍ରୀଷ୍ଟ ଧର୍ମ ଏହି ସ୍ଥାନର ପ୍ରଧାନ ଧର୍ମରେ ପରିଣତ ହେଲା । ଏଠାରେ ଏକ ବୃହତ ଗୀର୍ଜା ନିର୍ମାଣ ହେଲା ଓ ମହାନଗରୀ ଆର୍କ ବିସପ ଏଠାରେ ଅବସ୍ଥାପିତ ହେଲେ । [୩] ୭ମ ଶତାବ୍ଦୀର ପ୍ରାରମ୍ଭରେ ଏହି ସହର ସାସାନିଡ଼ ପାର୍ସୀୟ ମାନଙ୍କଦ୍ୱାରା ଅଧିକୃତ ହେଲା, ମାତ୍ର ଏକ ପରବର୍ତ୍ତୀ ସମୟରେ ଏହା ମୁକ୍ତ ହୋଇଥିଲା ।
ଇସଲାମୀୟ ସମୟ[ସମ୍ପାଦନା]
ଖ୍ରୀଷ୍ଟିଆନ ସନ୍ନ୍ୟାସୀ ବାହିରାଙ୍କ ବର୍ଣ୍ଣନା ଅନୁଯାୟୀ ଇସଲାମ ପ୍ରତିଷ୍ଠାତା ମହମ୍ମଦଙ୍କ ଜୀବନରେ ଗୁରୁତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଖ୍ରୀ.ଅ. ୬୩୪ର ବୋସରା ଯୁଦ୍ଧରେ ରାଶିବୁନ ଖିଲାଫତର ସୈନ୍ୟ ମାନେ ସେନାପତି ଖଲିଦ ଇବନ ବାଲିଦ ନେତୃତ୍ୱରେ ଏହି ସହର ଦଖଲ କରିଥିଲେ । ଇସଲାମୀୟ ଶାସନ କାଳରେ ବୋସରାକୁ ଦକ୍ଷିଣ ଉପକଣ୍ଠ ବୋଲି ଧରାଯାଉଥିଲା । ସହରର ରାଜନୈତିକ ଗୁରୁତ୍ତ୍ୱ ଏହାର ଉନ୍ନତିରେ ସହାୟକ ହୋଇଥିଲା । ଦମସକସ ଓ ମୁସଲିମ ମାନଙ୍କର ଗୋଟିଏ ତୀର୍ଥ ସ୍ଥାନ ଭାବେ ଏହାର ଅନେକ ଗୁରୁତ୍ତ୍ୱ ରହିଥିଲା । ଯେହେତୁ ବୋସରାର ଅଧିବାସୀମାନେ କାଳକ୍ରମେ ଇସଲାମ ଧର୍ମ ଆପଣେଇ ନେଲେ, ତେଣୁ ରୋମାନ ସମୟର ପବିତ୍ର ସ୍ଥଳୀଗୁଡ଼ିକ ମୁସଲିମ କାର୍ଯ୍ୟପାଇଁ ବ୍ୟବହାର କରାଗଲା । [୪] ନବମ ଶତାବ୍ଦୀରେ ୟକୁବି ଲେଖିଥଲେ ଯେ, ବୋସରା, ହାଉରନ ରାଜ୍ୟର ରାଜଧାନୀ ଥିଲା । [୫] ଖ୍ରୀ.ଅ. ୭୫୦ରୁ ଅନ୍ୟୁନ ୩୦୦ ବର୍ଷ ଯାଏଁ ଏହି ନଗରୀର କୌଣସି ପ୍ରଧାନ କାର୍ଯ୍ୟ ହୋଇନଥିଲା । ୧୦୬୮ରେ କେତେକ ନୂତନ ନିର୍ମାଣ କାମ ଆରମ୍ଭ ହୋଇଥିଲା । ଖ୍ରୀ.ଅ. ୧୦୭୬ ପରେ ଏହାକୁ ଗୁରୁତ୍ତ୍ୱ ଦିଆଯାଇଥିଲା, ବିଶେଷ ସାମରିକ ସୁରକ୍ଷା ପ୍ରତି ଧ୍ୟାନ ଦିଆଗଲା । ଏହି ସମୟର ଉଲ୍ଲେଖଯୋଗ୍ୟ ଘଟଣା ମଧ୍ୟରେ ଏକଦା ଏକ ରୋମାନ ପ୍ରେକ୍ଷାଳୟକୁ ଗୋଟିଏ ଦୁର୍ଗରେ ପରିଣତ କରିବା ଅନ୍ତର୍ଭୁକ୍ତ । ପରବର୍ତ୍ତୀ ସମୟରେ ଏଠାରେ ଅନେକ ଇସଲାମୀୟ ମସଜିଦ ଓ ଅନ୍ୟାନ୍ୟ ସ୍ଥାପତ୍ୟର ନିର୍ମାଣ ହେଲା । ଆୟୁବିଦ ସୁଲତାନ ୧ମ ଅଲ-ଆଦିଲଙ୍କ ସମୟରୁ ଏଠାରେ ରାଜନୀତି ଓ ସ୍ଥାପତ୍ୟର ଏକ ସ୍ୱର୍ଣ୍ଣ ଯୁଗର ଆରମ୍ଭ ହେଲା । ପୂର୍ବରୁ ଦୁର୍ଗରେ ପରିଣତ ପ୍ରେକ୍ଷାଳୟରେ ଆଠଟି ବିରାଟ ଖମ୍ବର ନିର୍ମାଣ କରାଯାଇଥିଲା ।
ଅଟୋମାନ ସମୟ[ସମ୍ପାଦନା]
ଅଟୋମାନ ସମୟରେ ଏହି ନଗରୀ ବିଷୟରେ ରାଜସ୍ୱ ଦୃଷ୍ଟିରୁ ବିଭିନ୍ନ ତଥ୍ୟ ଲିପିବଦ୍ଧ ହୋଇଥିବାର ଉଲ୍ଲେଖ ମିଳେ । ଅଟୋମାନ ସାମ୍ରାଜ୍ୟ ଏହି ସହରରୁ ଗହମ ଓ ଅନ୍ୟାନ୍ୟ ସଷ୍ୟ ଉପରେ କର ଆଦାୟ କରୁଥିଲେ । [୬]
ଆଧୁନିକ ସମୟ[ସମ୍ପାଦନା]
ଅଧୁନା ବୋସରା ଏକ ପ୍ରଧାନ ପ୍ରତ୍ନତାତ୍ତ୍ୱିକ ସ୍ଥଳୀରେ ପରିଣତ ହୋଇଛି । ଏଠାରେ ରୋମୀୟ, ପୂର୍ବ ରୋମୀୟ ଓ ମୁସଲିମ ସମୟର ଧ୍ୱଂସାବଶେଷ ରହିଛି । ଏଠାକାର ମୁଖ୍ୟ ଆକର୍ଷଣ ହେଉଛି ରୋମୀୟ ପ୍ରେକ୍ଷାଳୟ । ପ୍ରତିବର୍ଷ ଏଠାରେ ସଙ୍ଗୀତ ଉତ୍ସବ ପାଳନ କରାଯାଏ ।୧୯୪୬ ପରଠାରୁ ଏଠାରେ ଅନେକ ଅର୍ଥନୈତିକ ଓ ସାମାଜିକ ପରିବର୍ତ୍ତନ ଦେଖାଦେଇଛି ।
ବର୍ତ୍ତମାନ ଏଠାରେ ସିରିୟା ଗୃହଯୁଦ୍ଧ ଚାଲୁଛି । ୨୫ ମାର୍ଚ୍ଚ ୨୦୧୫ରେ ଚାରିଦିନର ଘମାଘୋଟ ଯୁଦ୍ଧ ପରେ, ବିପ୍ଳବୀମାନେ ସିରିୟା ସୈନ୍ୟ ମାନଙ୍କଠାରୁ ଏହି ସହର ଦଖଲ କରିଥିଲେ । [୭]
ଛବି[ସମ୍ପାଦନା]
ଆଧାର[ସମ୍ପାଦନା]
- ↑ General Census of Population and Housing 2004. Syria Central Bureau of Statistics (CBS). Daraa Governorate. (Arabic)
- ↑ Batatu, 1999, p. 24
- ↑ ୩.୦ ୩.୧ Beattie, p. 126.
- ↑ Meinecke, 1996, p. 35
- ↑ le Strange, 1890, p. 425
- ↑ Hütteroth and Abdulfattah, 1977, p. 219.
- ↑ "Syria rebels seize ancient town of Busra Sham". Middle East Online. 25 March 2015.
ପୁସ୍ତକ ସୂଚୀ[ସମ୍ପାଦନା]
- Batatu, Hanna (1999). Syria's Peasantry, the Descendants of Its Lesser Rural Notables, and Their Politics. Princeton University Press. ISBN 0691002541.
- Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and Southern Syria in the Late 16th Century. Erlanger Geographische Arbeiten, Sonderband 5. Erlangen, Germany: Vorstand der Fränkischen Geographischen Gesellschaft. ISBN 3-920405-41-2.
- Meinecke, Michael (1996). Patterns of Stylistic Changes in Islamic Architecture: Local Traditions Versus Migrating Artists. New York University Press. ISBN 9780814754924.
- Strange, le, Guy (1890). Palestine Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund.
ଅଧିକ ତଥ୍ୟ[ସମ୍ପାଦନା]
ଉନବିଂଶ ଶତାବ୍ଦୀରେ ପ୍ରକାଶିତ
- Josias Leslie Porter (1855), "From Kunawat to Busrah", Five years in Damascus: Including an Account of the History, Topography, and Antiquities of That City; with Travels and Researches in Palmyra, Lebanon, and the Hauran, London: J. Murray, OCLC 399684
- "Bozrah", Handbook for Travellers in Syria and Palestine, London: J. Murray, 1858, OCLC 2300777
- "Bosra", Palestine and Syria, Leipsig: Karl Baedeker, 1876
- "Busrah", Cook's Tourists' Handbook for Palestine and Syria, London: T. Cook & Son, 1876
- "Bosra", Palestine and Syria, Leipsig: Karl Baedeker, 1898
ବାହାର ଲିଙ୍କ[ସମ୍ପାଦନା]
 |
ଉଇକିମିଡ଼ିଆ କମନ୍ସରେ Bosra ବାବଦରେ ମାଧ୍ୟମ ରହିଛି । |
- Catholic Encyclopedia on Bosra
- Official website of Bosra city
- Extensive photo site about Bosra
- Photo Gallery of Bosra
- GCatholic Latin titular see
- Map of the town, Google Maps
- Bosra-map; 22M
- Eastern Orthodox Archdiocese of Bosra, Horan and Jabal al-Arab
- Brief History of the Archdiocese of Bosra-Hauran