Kbckdyq

Multi tool use

Tshilimo ndi khalanwaha ine ya divhelwa mvula na ndimo. Nga iyi khalanwaha vhathu vha a bva vhayo lima masimuni zwilinwa zwo fhambananaho. Kha Lushaka lwa Vhavenda vhaaluwa vha a divha uri musi mvula yo na nga nwedzi wa Tshimedzi zwi vha zwi tshi khou amba uri vha fanela u vha vha khou lugisa mbeu dzavho. Nga itshi tshifhinga huvha ho vuwa shiashia na gadagada la u goba na u zwala mbeu.

Zwilinwa zwo dowelwaho u linwa tshifhinga itshi ndi mavhele, nduhu, phonda, thanga (phuri), mphwe dza tshivenda, zwibampuni, nawa, maranga, bvani, gwadi, tshidzamanga na zwinwevho.

Nga khalanwaha iyi ya tshilimo ri wana hu tshi pfala dzembe u lila kha vhafumakadzi u wana nwana a tshi mamela lurumbu. Munwe na munwe u vha a tshi khou lavhelela u vuledza ndima yawe.

Tshifhinga itshi tshia vhavha vhukuma, u wana vhahulwane vha tshirotha mabiko vhana vho fhiwaho zwidimana vhone, wa sedza zwanda zwavho u wana zwina mapone.Vhana vha vhatukana vha vha vho fara zwipano khavho hu tshi pfala zwimebi fhedzi vha tshi khou tshaela kholomo.

Khalanwaha iyi i dovha ya divhelwa u fhisa na mvula. Ndi tshone tshifhinga tshine wa wana manowa o tou difha maanda. Ndi tshone tshifhinga tsha dali. Tshilimo a si khalanwaha ya ndimo fhedzi. Kha tshifhinga tshenetshi ri wana huna nemeneme, nthwa, thamakhura, nzie na mashonzha. Musi ndimo yo no fhela vhathu vha vha vho lindela khalanwaha ya tshifhefho ine vha vha vha tshi di lugisela u kana.

MIROHO YA TSHILIMO

1.Bovhola-bovhola ndi muroho u liwaho tshilimo,ndi musi vhakegulu vho tanganyisa Phuri,Vhuluvha hadzo,khavhelo(ndi musi mafhuri a sa athu u vhibva)vha kodele nga thanga(thanga ndi nduhu dzo kodiho)A si u di fha hazwo nandi!Nga Azwifarwi Nkhumeleni. 2.Tshitshatshantsha-hoyu ndi muroho wa phuri musi u tshi bikiwa a hu shelwi tshinwe tshithu kana tamatisi zwalo hu shelwa muno fhedzi(tshi difha na vhuswa ha munyongo) 3Delele-Uyu ndi muroho une musi wo bikiwa wa lembuwa ndi nga zwo wo vhidzwa delele,wa u wana na vhuswa ha mutuku a tou vha madele-mapfani.