Victoria Cabello Bb01ik cGdi
Victoria Ellen Cabello (Londra, 12 marso 1975 xe 'na prexentatrice tełevixiva e dopiatrice itałiana
Indice
- 1 Biografia
- 1.1 I exordi
- 1.2 L'afermasion
- 2 Filmografia
- 2.1 Sìnema
- 2.2 Fiction
- 2.3 Televisione
- 2.4 Radio
- 2.5 Dopiagio
- 3 Vita privà
- 4 Note
- 5 Altri progeti
- 6 Cołegamenti esterni
Biografia[canbia | canbia el còdexe]
Victoria Cabello xe nasùa a Londra el 12 marso 1975 da pare itałian e mare inglexe. Ła crese a Valsolda un comun picenin de ła provincia de Como a poca distansa da ła Svisera. Ła gà frequentà alcuni corsi de recitasion, 'rente el CTA de Miłan, sità indove ła s'à trasferìo co' ła gaveva 20 ani, e gà studià co'l mestro giaponexe Kuniaki Ida.[1]
I exordi[canbia | canbia el còdexe]
Al 1995 risałe el so debuto al sinema: ła xe comparsa nel film Ragazzi della notte, de e co' Jerry Calà.
In tełevisoion ła debuta 'ntel 1996 prexentando el programa Hit Hit trasmeso so TMC2/Videomusic e l'ano drìo ła prexenta un programa di divulgasion sientifega trasmeso so ła tv publica svisera de łengua itałiana TSI.
'ntel 1997 riva el so suceso e ła so popołarità co' ła deventa Veejay de MTV Itałlia, deventando una de łe prexentatrici storeghe de l'emitente tełevixiva muxicałe. Durante ła staxon tełevixiva 1997/1998 prexenta diversi programi come MTV Select (in direta da Łondra), Hit List Itałia e Hit non stop.
Sucesivamente, infra el 1998 e 'l 2002, prexenta altri programi de MTV Itałia cofà MTV Italia come Cinematic, Week in Rock, durante i quałi intervista diversi personaxi del mondo sinematografego e muxicałe. Drìoman ła xe a ła guida de altre trasmision, come MTV On the beach, E.T. Entertainment Today, Cercasi Vj e partesipa a varie edision de MTV Day. Inaxonta ła xe inviata speciałe par MTV Itałia ałe varie edision dei MTV Europe Music Awards, indove ła intervista i personaji famoxi so'l red carpet, e xe inviata speciałe anca par l'edision del 2000 dei MTV Video Music Awards da New York e dei MTV Movie Awards da Los Angeles.
In paraleło a l'atività tełevixiva, ła prexenta un programa de crònica mondana, Victoria's Secrets, so Radio Deejay, che tołe in xiro ła famoxa caxa de intimo Victoria's Secret.
L'afermasion[canbia | canbia el còdexe]
Dal 2002 al 2007, ła xe inviata del programa tełevixivo Le Iene, so Italia 1, dove se ocupa de interviste exiłlaranti e stranbe a diversi personaxu famoxi cofà Woody Allen e George Clooney.
'Ntel 2004 ła ciapa parte a ła mini serie tełevixiva de Canale 5 Cuore contro cuore, nel ròolo de ła contabiłe Alice[2].
Dal 2005 al 2008 ła torna a laorare a MTV Itałia, che ghe ofre de prexentàr el talk show Very Victoria, talk-show in stile David Letterman, indove ła mostra el so caratere ironico e descantà e łe so quałità de intervistatrice che ghe permete de parlàr e conoser ospiti inportanti de ła tełevixion e del spetacoło itałian.
'Ntel 2006 ła prexenta, in conpagnìa de Giorgio Panariello e Ilary Blasi, el Festival de Sanremo, dove ła se rende protagonista, fra l'altro, de interviste stranbe a ospiti internasionałi quałi John Travolta e Orlando Bloom.
'Ntel 2008 ła partesipa al cast del film Il cosmo sul comò de Marcello Cesena co' Aldo, Giovanni & Giacomo, dove ła interpreta el quadro de ła Dama con l'ermellino[2] e quindi laora par la segonda volta nel sinema drìo el debuto 'ntel 1995 co' 'na picoła parte 'ntel film Ragazzi della notte de Jerry Calà.
Dal 2008 ła xe protagonista del spot tełevixivo Crodino come "moglie del gorilla" (conpare anca ne ła sitcom publicà so Facebook dal 15 novenbre 2010)[3]. Durante ła so carièra, soratuto par i exordi, ła gà parteçipà a diverse altre canpagne pubbicitarie, come quełe par Dufour, Aspro C500, Pantene, Swatch, Ferrero e Renault modus.
'Ntel 2009 e 'ntel 2010 ła prexenta el talk show Victor Victoria - Niente è come sembra so LA7[4].
Da setenbre 2011 a magio 2013 ła prexenta el storico programa de ła domenega de Rai 2 Quelli che il calcio[5] (dal 2012 Quelli che), firmando un contrato de escluxiva bienałe co'ła Rai e rivando al posto de Simona Ventura, pasàda a Sky. Co' ła prexenta ła vien afiancà dal Trio Medusa, che xa conoseva dai tenpi de Le Iene.
Senpre 'ntel 2012 ła fa un cameo nel ròło de se medèma 'ntel film Come non detto de Ivan Silvestrini.
Filmografia[canbia | canbia el còdexe]
Sìnema[canbia | canbia el còdexe]
- Ragazzi della notte, regia de Jerry Calà (1995)
- Il cosmo sul comò, regia de Marcello Cesena (2008)
- Come non detto, regia de Ivan Silvestrini (2012)
Fiction[canbia | canbia el còdexe]
- Cuore contro cuore, regia de Riccardo Mosca (2004)
Televisione[canbia | canbia el còdexe]
- MTV Select (MTV, 1997)
- Hit List Italia (MTV, 1997)
- MTV Day (MTV, 1998-2008)
- MTV On the beach (MTV, 1999)
- MTV Europe Music Awards (MTV, 2001)
- MTV Video Music Awards (MTV, 2002)
- MTV Movie Awards (MTV, 2002)
- Le Iene (Italia 1, 2002-2007)
- Very Victoria (MTV, 2005-2008)
- Festival de Sanremo (Rai 1, 2006)
- Victor Victoria - Niente è come sembra (LA7, 2009-2010)
- Quelli che... (Rai 2, 2011-2013).
Radio[canbia | canbia el còdexe]
- Victoria's Secret (Radio Deejay)
Dopiagio[canbia | canbia el còdexe]
- Toot Braustein (1^ Voce) - Drawn Together
- Gioiel - Rio
Vita privà[canbia | canbia el còdexe]
Ła vive a Miłan e gà un cocker ciamà Silvano[6]. Ła xe stà łigà sentimentalmente a l'artista Maurizio Cattelan[7]. Indrìoman ła xe stà novisa co' Barù Della Gherardesca.
Note[canbia | canbia el còdexe]
- ↑ [1]
- ↑ 2,0 2,1 Filmografia di Cabello su MyMovies.it
- ↑ Curriculum, da NTmanagement.it, riprotato da Internet Archive
- ↑ Articolo su Televisionando.it
- ↑ Articolo su Davidemaggio.it
- ↑ Intervista su Repubblica.it
- ↑ Crisi con Cattelan, da Tgcom.it
Altri progeti[canbia | canbia el còdexe]
Su Commons ghe xe dei file multimediałi su Victoria Cabello
Cołegamenti esterni[canbia | canbia el còdexe]
- Scheda su Victoria Cabello de l'Internet Movie Database
