https://or.wikipedia.org/wiki/Harmohan_Khuntia
ହରମୋହନ ଖୁଣ୍ଟିଆ | |
|---|---|
| ଜନ୍ମ ଓ ଜନ୍ମସ୍ଥାନ | ମଠକରଗୋଳା, କାମାକ୍ଷାନଗର, ଢେଙ୍କାନାଳ |
| ଜାତୀୟତା | ଭାରତୀୟ |
| ପ୍ରସିଦ୍ଧି | ମର୍ଦ୍ଦଳ ବାଦକ ଓ ସଙ୍ଗୀତ ନିର୍ଦ୍ଦେଶକ |
| ସନ୍ତାନ | ସୁପ୍ରକାଶ, ସ୍ୱର୍ଣ୍ଣ[୧] |
ହରମୋହନ ଖୁଣ୍ଟିଆ, ଜଣେ ଓଡ଼ିଆ ସଙ୍ଗୀତଜ୍ଞ ।[୨] ତବଳା, ପଖଉଜ ଓ ମୃଦଙ୍ଗ ବାଦନରେ ଦକ୍ଷ ହରମୋହନ ଓଡ଼ିଶୀ ନୃତ୍ୟ ପାଇଁ ବହୁ ସଙ୍ଗୀତ ନିର୍ଦ୍ଦେଶନା କରିଛନ୍ତି ।
ବିଷୟସୂଚୀ
- ୧ ବାଲ୍ୟଜୀବନ ଓ ଶିକ୍ଷା
- ୨ ବୃତ୍ତିଗତ ଜୀବନ
- ୩ ସମ୍ମାନ ଓ ପୁରସ୍କାର
- ୪ ଆଧାର
ବାଲ୍ୟଜୀବନ ଓ ଶିକ୍ଷା[ସମ୍ପାଦନା]
ହରମୋହନ, ଢେଙ୍କାନାଳ ଜିଲ୍ଲାର କାମାକ୍ଷାନଗର ଅନ୍ତର୍ଗତ ମଠକରଗୋଳା ଗ୍ରାମର ଏକ ସଙ୍ଗୀତଜ୍ଞ ପରିବାରରେ ଜନ୍ମଗ୍ରହଣ କରିଥିଲେ । ପିତା ଓ ବଡଭାଇ ଥିଲେ ପାଲା ଗାୟକ । ଛୋଟବେଳୁ କୀର୍ତ୍ତନ ଉପଭୋଗ କରୁଥିଲେ । ମାଟି କାନ୍ଥରେ ହାତ ବାଡେଇ ସଙ୍ଗୀତ ସୃଷ୍ଟି କରୁଥିଲେ । ପାଞ୍ଚବର୍ଷ ବୟସରୁ ବିନା ଗୁରୁରେ ସଙ୍ଗୀତ ଚର୍ଚ୍ଚା ଆରମ୍ଭ କରିଥିଲେ । ପୁଅରୁ ଦକ୍ଷତା ଦେଖି, ପିତା ତାଙ୍କୁ କଟକର ସାର୍ତ୍ତୋଳକୁ ନେଇ ଆସିଥିଲେ । ସେଠାରେ ଦିନେ ଏକ କୀର୍ତ୍ତନ ସମାବେଶରେ, ତାଙ୍କ ମୃଦଙ୍ଗ ବାଦନ ଶୁଣି, ଠିକାଦାର ଜଳଧର ସ୍ୱାଇଁ, ତାଙ୍କ ସଙ୍ଗୀତ ଶିକ୍ଷାର ବ୍ୟବସ୍ଥା କରିଦେଇଥିଲେ । କଟକରେ ଏକାଧିକ ଗୁରୁଙ୍କଠାରୁ ତବଲା ବାଦାନ ଶିକ୍ଷା କରିବା ସହ, ଠିକାଦାରି ମଧ୍ୟ କରୁଥିଲେ । କିଛି ବର୍ଷ ପରେ, ସେ କଲିକତା ଚାଲିଯାଇ ଗୁରୁ ଜ୍ଞାନ ପ୍ରକାଶ ଘୋଷ ଓ ମଣିଲାଲ ମୁଖାର୍ଜୀଙ୍କଠାରୁ ତବଲା ଶିକ୍ଷାଲାଭ କରିଥିଲେ ।
ବୃତ୍ତିଗତ ଜୀବନ[ସମ୍ପାଦନା]
କଲିକତାରୁ ଫେରି, ହରମୋହନ ୧୯୬୭ମସିହାରେ ଉତ୍କଳ ସଙ୍ଗୀତ ମହାବିଦ୍ୟାଳୟରେ ଶିକ୍ଷକତା ଆରମ୍ଭ କରିଥିଲେ । ୧୯୭୦ମସିହାରେ ଆକାଶବାଣୀ କଟକରେ ଜଣେ ଷ୍ଟାଫ ଆର୍ଟିଷ୍ଟ ଭାବରେ ଯୋଗଦାନ କରିଥିଲେ । ଜଣେ ମର୍ଦ୍ଦଳ ବାଦକ ଭାବରେ ସେ ସଂଯୁକ୍ତା ପାଣିଗ୍ରାହୀ ଓ ରଘୁନାଥ ପାଣିଗ୍ରାହୀଙ୍କ ସହ ବହୁ ମଞ୍ଚରେ ସଙ୍ଗୀତ ପରିବେଷଣ କରିଛନ୍ତି । ଓଡ଼ିଶୀରେ ପ୍ରାୟ ୩୦୦ରୁ ଉର୍ଦ୍ଧ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । କଳିଙ୍ଗ କଳା କ୍ଷେତ୍ର ନାମରେ ଏକ ଅନୁଷ୍ଠାନ ଗଠନ କରି, ସେ ବିଦ୍ୟାର୍ଥୀମାନଙ୍କୁ ସଙ୍ଗୀତ ଶିକ୍ଷାଦାନ କରିଥାନ୍ତି । ହୋମିଓପାଥୀ ଚିକିତ୍ସାକରି, ଲୋକଙ୍କର ବ୍ୟାଧି ନିରାକରଣ ମଧ୍ୟ କରିଥାନ୍ତି ।[୩]
ସମ୍ମାନ ଓ ପୁରସ୍କାର[ସମ୍ପାଦନା]
- * ସମ୍ମାନସୂଚକ ଡକ୍ଟରେଟ - ୨୦୧୮(ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟ)[୪]
- ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର - ୨୦୧୧[୫]
ଆଧାର[ସମ୍ପାଦନା]
- ↑ http://www.swarnakhuntia.com/about.php
- ↑ http://www.telegraphindia.com/1130804/jsp/odisha/story_17192003.jsp#.VfZ35X0wDSg
- ↑ ସମ୍ବାଦ ୧୪/୦୯/୨୦୧୫ ଭୁବନେଶ୍ୱର ସଂସ୍କରଣ ପୃଷ୍ଠା ୨. 14 September 2015 http://sambadepaper.com/Details.aspx?id=193299&boxid=22623464. Retrieved 14 September 2015. Missing or empty
|title=(help) - ↑ https://www.telegraphindia.com/states/odisha/space-crunch-hits-varsity-212052
- ↑ http://odisha.gov.in/e-magazine/orissaannualreference/ORA-2011/pdf/104-108.pdf
